Sempre tedes que pensar que non existe obrigatoriedade á hora de ler, senón que ler é un pracer. Aqueles ou aquelas que pensades que é unha perda de tempo, tentaremos atopar un libro que vos guste. Hai miles!
Resulta difícil escoller os dous primeiros libros sen coñecervos, pero agardamos acertar debido á nosa propia experiencia.
Resulta difícil escoller os dous primeiros libros sen coñecervos, pero agardamos acertar debido á nosa propia experiencia.
Procuraremos combinar todo tipo de lecturas, é dicir, haberá poesía (non, non é un coñazo, veredes!), teatro, novela e cómic. Este primeiro trimestre escollemos teatro e novela.
Estes son os libros que vos propoñemos dentro diso que se denomina "Lectura obrigatoria". Lembrade, se vedes que vos resulta un auténtico espanto, debedes falar comigo para cambiar o libro proposto. Como non se realizan exames de comprobación, aprenderemos a falar deles e os sentimentos que nos provoca a súa lectura. Sei que pode ser algo difícil pero pouco a pouco iremos mellorando. Podedes pasear polo que será o voso blogue das lecturas para ler os comentarios de compañeiros e compañeiras doutros centros:
.- Roberto Salgueiro González: Eliana en ardentía ou Bernardo destemplado. Editorial Xerais.
Seica este libro de teatro está esgotado. Se non o topades, a outra opción será que leades estoutro:
.- Suso de Toro: Unha rosa é unha rosa. Editorial Xerais.
.- Suso de Toro: Unha rosa é unha rosa. Editorial Xerais.
.- Ledicia Costas: O corazón de Xúpiter. Editorial Xerais.
Máis ou menos, as datas tope de lectura son a finais de outubro para o primeiro libro (indistintamente) e o segundo para finais de novembro.
Ningún comentario:
Publicar un comentario