PROXECTO “Poetizámonos”

Como sabedes, díxenvos que nesta terceira avaliación iades seguir traballando co libro Poetízate. E propúxenvos varias opcións. Falando con Mar e Arancha, elas propoñen facer un vídeo a partir do seguinte esquema:

EXERCICIO: Creación dun video para ilustrar ou representar un poema.

-   Traballo en grupos de 2/3 alumnos/as.

-   Pódese empregar fotografía, video e música.

-   Acéptase o uso de móbiles, cámaras dixitais, Internet,…

-  Pódese editar o vídeo con diferentes programas de edición, (ver titoriais na rede,) poñer título e créditos e empregar algún efecto e transición. Duración mínima de 2 minutos e máxima de 5 min.

PRESENTACIÓN DO STORY BOARD: semana do 27 ao 30 de abril.

-   Indicar os membros do grupo e o poema co que  se vai  traballar.

-   Explicar a idea/ideas para facer o vídeo.

-  Deseñar o story board, o guión principal da gravación mediante unha secuencia breve de imaxes (tipo cómic).

PRESENTACIÓN DO VIDEO: semana do 25 ao 28 de maio.

Lectura obrigatoria (IV)

Non foi unha decisión doada, e ben sei máis dun hame dicir que non lle gusta o libro, que lle resulta pesado... pero coido que será difícil que vos acheguedes a este texto no futuro, polo que aí vai a vosa quinta e penúltima lectura obrigatoria. Trátase dun clásico que cómpre coñecer, e xa que temos esta elección na nosa lingua imos aproveitala.

.- As mil e unha noites. Vicens Vives

Aínda que xa hai moitos séculos que se escribiu a máis fermosa e variada compilación de contos orientais baixo o título de As mil e unha noites, difundida polo orientalista francés Jean Antoine Galland, esas historias relatadas por Sherezade para librarse da morte continúan vixentes no século XXI.

Lendo "Poetízate" (II)

Agora que xa escolliches o poema do libro que máis che gustou, indaga se che apetece sobre o seu autor ou autora, procura información sobre el ou ela e achégate a algún dos seus libros para comprobar se tamén os seus outros poemas son do teu agrado ou se pola contra só che gusta o que escolliches de inicio.
Con este poema terás que facer un cartaz ilustrado ou ben unha fotografía que che suxira o poema ou ben un vídeo: na rede tes moitos exemplos de vídeos que fixeron compañeiros e compañeiras vosas anteriormente recreando poemas. Tamén podedes pórlle música e facer unha canción do poema. Tedes liberdade para escoller!!!

Primeiro, escribe o poema e comenta as ideas que sentes cando o les, os sentimentos que che provoca...

https://www.youtube.com/playlist?list=PLdJ-2ohvNytsYVLIcnopcePYBD1UubSjh

https://www.youtube.com/watch?v=Su-9EiGndqY

https://www.youtube.com/watch?v=miZfAv4WyyQ

https://www.youtube.com/watch?v=XJRWhmrQtV0

https://www.youtube.com/watch?v=xDq7foDyBX8

https://www.youtube.com/watch?v=m7baHA1MFxw&list=PLEDE54C4A40647AF7

http://trafegandoronseis.blogspot.com.es/2009/05/rapeando-lingua.html

http://trafegandoronseis.blogspot.com.es/2012/12/reinterpretando-celso-emilio-ii.html

http://trafegandoronseis.blogspot.com.es/2012/12/reinterpretando-celso-emilio-ferreiro.html

http://trafegandoronseis.blogspot.com.es/2014/06/ti-e-mais-eu.html

 http://trafegandoronseis.blogspot.com.es/2012/06/moraima.html

Preparando o Día da Poesía

Lendo "Poetízate"

Grazas a Rosa Salgueiro e a Carme Moure por ofrecerme o seu traballo. Un traballo que agora pasa a mans do meu alumnado.

Cando vos mandei ler este libro, todas e todos puxestes cara de "Oh, non, poesía". A meta que perseguimos arestora é que ao final do libro digades: "que ben, poesía". Ou cando menos que perdades algo dese medo que lle tedes a este xénero que vos vai encandilar. Para iso, temos unha selección marabillosa que Fran Alonso realizou neste libro. Non pretendo que vos gusten todos os poemas, agardo que -cando menos- si vos guste algún, que esperte a vosa curiosidade por coñecer mellor a obra dun autor ou autora e que sigades mergullándovos na poesía de cando en vez para sempre.

A POESÍA NON MORDE!!!

Na clase xa lemos o Limiar de Fran Alonso onde explica os motivos polos que elaborou este libro, xa falamos dos tópicos que existen sobre a poesía e de cales deses tópicos coinciden co voso pensamento.

Realizamos tamén unha pequena pescuda de autores, autoras e as súas obras.

Agora terás que facer o seguinte traballo:

1.- En primeiro lugar vas escoller dez poemas suscitados polos dez motivos diferentes que che suxerimos. Sempre seguindo o teu gusto persoal. Escribe o nome do autor/a e o título do poema (se non leva título ningún, escribe o primeiro verso completo).

1. O poema máis divertido de todo o libro foi...                                 porque..

2. O poema máis atrevido de todo o libro foi...                                   porque... 

3. O poema máis sorprendente de todo o libro foi...                          porque...

4. O poema máis sentimental de todo o libro foi...                             porque..

5. O poema máis misterioso de todo o libro foi...                                porque...

6. O poema máis erótico de todo o libro foi...                                     porque...

7. O poema máis amoroso de todo o libro foi...                                  porque...

8. O poema máis triste de todo o libro foi...                                        porque...

9. O poema máis alegre de todo o libro foi...                                      porque...

10. O poema máis rítmico de todo o libro foi...                                     porque...

2.- A seguinte fase é escoller versos.. Non ten por que gustarche o poema a que pertencen, podes escoller dez versos que recordas especialmente, polos motivos que sexan: porque soan ben, porque eran diferentes, porque resumían perfectamente algo que ti sentiches algunha vez, porque resultan estraños, porque che fan pensar, porque te fan rir ou chorar, porque expresan algo que sentías pero que non sabías comunicar...

Lembra que podes escoller un verso que che guste moito, aínda que pertenza a un  poema que no seu conxunto non che interese especialmente.

Ti dedices eses dez versos;  indicando a que poema e autor pertencen.

3.- Última fase (polo de agora): escolle o teu poema preferido entre todos, aquel que realmente che chegou ao corazón, comentando por que, que sensacións e ideas che fai sentir cando o les. E deberás tamén escoller o que menos che guste de todos os poemas do libro, tamén explicando o porqué.

Estrutura dos diálogos

Os diálogos van precedidos dunha raia e NUNCA rematan en raia, senón no signo de puntuación correspondente (punto, punto e coma, interrogacion, exclarmación...)

"—Estou algo cansado."Non hai espazo entre a raia e a primeira letra.

Para introducir unha aclaración do narrador, utilízase tamén a raia:

"—Estou algo cansado —dixo el."
"—Estou algo cansado —dixo el—. Marcho para a casa."

Tendo en conta que hai que diferenciar dous casos:

1.-A intervención do narrador fai referencia a un verbo ou acción da fala ou o pensamento ("dixo el", "pensou ela", "replicou o seu amigo", etc.).

• Déixase un espazo en banco entre o final da frase e a raia, e a frase do narrador comeza sen espazo entre a raia e esta: "cansado —dixo él."
• A frase comeza en minúsculas:“ —dixo el."
• O signo de puntuación correspondente á frase do personaxe péchase tras a aclaración do narrador: "—Estou algo canso —dixo el—. Voume para a casa"
• Se o diálogo continúa, péchase coa raia; en caso contrario, non: "—Estou algo canso —dixo el—. Voume para a casa."
• Se a frase do diálogo non está completa, pero corresponderíalle outro signo de puntuación (como unha coma), este pones coma no exemplo anterior co punto: "—Estou canso —dixo el—, e iso que durmiu ben."

2.- No caso de que o comentario do narrador no teña nada que ver coa acción de falar, pensar ou calquera de accións relacionadas (gritar, susurrar, etc.), péchase a frase, se cumprise, e o texto do narrador comeza por maiúscula:

—Teño que marchar. -O portazo retumbou en toda a casa.

E contando con certas excepcións:

• A exclamación e a interrogación cérranse sempre (se a frase rematou) antes da raia: "—Estás canso? —dixo a súa muller—. Poderías durmir máis."
• Do mesmo modo, tamén os puntos suspensivos preceden á raia: "—Nótote canso... —observou ela—. Será que non durmes ben."
• Se a narración precisa dous puntos, estes substitúen o signo de puntuación que correspondería á frase do diálogo: "—Nótote canso —observou ela, e engadiu—: Será que no durmes ben."

 http://www.ciudadseva.com/textos/teoria/tecni/guiones.htm

http://www.ecoescritura.com/tengo-que-escribir-un-dialogo-y-ahora-que/

http://www.alquimistasdelapalabra.com/dialogos/teoria_dialogo/unidad.html

http://www.literautas.com/es/blog/post-2156/10-claves-para-escribir-dialogos-eficaces/

 

5 motivos para ler POESÍA

1. A poesía non morde, non fai dano e, aínda que haxa quen pense o contrario, non é aburrida, nin romanticona, nin cursi, nin difícil. E hai moitos tipos de poesía para que elixamos.

2. A poesía serve para ler, cantar, berrar, recitar, rapear, musicar, declararse, rebelarse contra o mundo ou unicamente para falar suave á orella. Tamén é un somnífero para durmir ben, unha pastilla sen química que mellora a saúde e o benestar, e relaxa ás persoas. E serve, sobre todo, para explicar as razóns e as emocións que non veñen no dicionario.

3. Os poemas son como caixas de ferramentas, valen para todo: para sentilos, manosealos, lelos, cheiralos, gardalos nun armario, ensucialos, para ligar, para poñelos enriba da cabeza, penduralos na parede, limpalos, recortalos, reescribilos, merendalos nun bocadillo de papel, ordenalos, metelos na neveira e lelos coa cabeza máis fría, ou deixalos sobre a cama para devoralos á noite, clandestinamente, cando todos se deitaron. Ademais a poesía cura enfermidades como a impaciencia, os nervios, os pés planos, os enfados, a dor de cabeza, as feridas imprevistas, as dores de amor, as indixestións, a ansiedade e algunhas gripes.

4. A poesía está nas cousas que nos rodean a diario, na música, na amizade, no supermercado, na risa, na moto, no váter, na esperanza, na rutina, nas cousas persoais, no calexón sen saída, no mar contaminado, na tristura, no teu barrio, no ceo cuberto, no ordenador, nun berro, na paisaxe, na conversa e nas rúas. Onde ti queiras.

5. O imprtante da poesía non é obsesionarse con descifrala senón saber gozala, sentila e intuíla. Na poesía reconforta sentir o seu ritmo, a súa música, a súa sonoridade, os xogos de palabras que por veces nos deslumbran, as imaxes fascinantes que nos ofrece. E tamén os seus enigmas. Poetizarse. En definitiva facer da poesía un pracer.

FRAN ALONSO

Lectura obrigatoria (III)

Imos coa poesía, que vai sendo hora. E para comezar, nada mellor que unha antoloxía onde atoparedes todos os temas e unha gran variedade de autores e autoras. O mellor libro para poetizarnos é, por suposto, 

.- Fran Alonso: Poetízate. Editorial Xerais. 

Mirade o que din na editorial: 

A POESÍA non morde. E, aínda que haxa quen pense o contrario, non é aburrida, romanticona nin difícil. Esta divertida antoloxía poética demostra o contrario. De Rosalía de Castro ás poetas novas, propoñémosche unha viaxe polos poemas máis próximos, divertidos e desenfadados da poesía galega. Poetízate é un libro pensado para as persoas que non están afeitas a ler poesía. ¿Para que? Para cantar, berrar, recitar, rapear, musicar, rebelarse contra o mundo ou só para falar suave na orella. Este é un libro para sentir, gozar e intuír a poesía. Así que, xa o sabes: poetízate.

Lecturas optativas

Ampliamos a listaxe de lecturas optativas; arestora aínda tedes máis libros para escoller. Credes que entre todos estes non toparedes algún que vos guste???

Alapont, Pasqual: O inferno de Marta. Xerais

Aleixandre, Marilar: Rúa Carbón .   Xerais

Alonso, Fran: Cartas de amor   / A punta de pistola  /  Cidades    /  Silencio.  Xerais

Álvarez, Blanca: Palabras de pan. Tambre

Agra, Agustín: Trampa de luz. Xerais

As mil e unha noites. Selección de Brian Alderson. Vicens Vives

Blanco, Concha: Berta non soubo voar. Pentalfa

Boyne, John: O neno do pixama a raias  /   Noah Barleywater escapa da casa.  Faktoría K

Calo, Teresa: Marta ante o espello.  Xerais

Calveiro, Marcos: Todos somos  /    As palabras poden matar.  Xerais

CanfieldFisher, Dorothy: A aprendizaxe de Betsy.  Editorial Triqueta Verde

Carballude, Pepe: Marxinados. Galaxia

Carou Figueira, Natalia: O alento nas costas. Baía edicións

Carroll, Lewis: Alicia no país das marabillas. Xerais

Casalderrey, Fina: A Pomba e o Degolado. Xerais

Castelao: Retrincos / Un ollo de vidro. Galaxia

Castro, Francisco: O segredo de Marco Polo. Galaxia

Cela, Jaume: Silencio no corazón. Galaxia

Cimadevila, Fernando: O mundo secreto de Basilius Hoffman. Urco

Cisneros, Sandra: A casa de Mango Street. Sushi Books

Conan Doyle, Arthur: Un estudio en escarlata. Galaxia  (ou calquera outro libro deste autor)

Costas, Ledicia: O corazón de Xúpiter   /     Unha estrela no vento.    Xerais     /              Xardín de inverno. Everest

Christie, Agatha: Asasinato no Orient Express  /  Asasinato de Roger Ackroyd  /   Cianuro espumoso   /   Dez negriños   . Galaxia

Docampo, Xabier: O libro das viaxes imaxinarias. Xerais

Fernández Paz, Agustín: As fronteiras do medo. Rodeira-Edebé  /  Corredores de sombras   /  Fantasmas de luz. Xerais

Funke, Cornelia: Reckless. Xerais

Gripe, María: Os escaravellos voan á tardiña. SM

Hesse, Herman: Baixo as rodas   /    Siddartha.    . Galaxia

Hinton, Susan: Rebeldes. Alfaguara-Obradoiro

Kipling, Rudyard: O libro da selva. Sushi Books

Lienas, Gemma:  O diario violeta de Carlota. Galaxia

Lindgren, Astrid: Os nenos de Bullerbyn. Sushi Books

London, Jack: A chamada da selva. Xerais

Lourenzo González: Irmán do vento. Xerais

Maceiras, Andrea: Nubes de evolución. Xerais

Martin, Andreu e Ribera, Jaume: O diario vermello de Flanagan. Galaxia

Miranda, Xosé: Ariadna. Xerais

Muñoz Puelles, Vicente: A expedición dos libros. Oxford

Negro, Carlos: Makinaria     /     Penúltimas tendencias .      Xerais

Northomb, Amelie: Un nome de dicionario. Galaxia

Nöstlinger, Christine: Horario de clase, Galaxia

Nozière, JeanPaul: Cabeza de pelouro. Editorial Galaxia

Núñez Singala, X. M.:  Comedia bífida. Galaxia

O Leo: Hai kus. Xerais

Orwell, George: A revolta dos animais. Edicións Positivas

Poe, Edgar Allan: Os escaravellos de ouro. Os crimes da rúa Morgue. Vicens Vives

Pullman, Philip: A materia escura (Triloxía). Faktoría K

Reigosa, Antonio: Trece noites, trece lúas. Xerais

Reimóndez, María: Moda galega. Positivas

Rodríguez Cueto, Milio: A pedra da serpe. Rodeira-Edebé

Roger, Marie-Sabine: Tardes con Margueritte.  Galaxia

Ruá, Aurora: Debuxos no muro. Galaxia

Saint-Exupery, Antoine de: O principiño. Galaxia

Schlieper, Birgit e Stahl, Nina: Ás veces quero morrer coa risa. Galaxia

Sende, Sechu: Made in Galiza. Galaxia

Sierra i Fabra, Jordi: A modelo descalza. Galaxia

Sierra i Fabra, Jordi: Nun lugar chamado guerra, Galaxia.

Stevenson, Robert Louis: A illa do tesouro. Xerais

Tomás, Xosé: Nómades. Galaxia

Toro, Suso de: Unha rosa é unha rosa. Xerais

Twain, Mark: As aventuras de Tom Sawyer. Xerais

Uhlman, Fred. Reencontro. Galaxia

Vanderbeke, Birgit: Mexillóns para cear. Editorial Rinoceronte

Vázquez Freire, Miguel: Anxos en tempos de chuvia. Xerais

Verne, Jules: A illa misteriosa. Xerais

Viaxe ao futuro. Relatos de ciencia ficción. Edición de Agustín Sánchez Aguilar. Vicens Vives

Vila Sexto, Carlos: As sete mortes   / Gárgola.  Galaxia

Wilde, Óscar: A pantasma de Canterville e outros contos. Vicens Vives