Achegándonos á lectura

Xa sabedes que o primeiro libro que leamos este curso vai ser de AGUSTÍN FERNÁNDEZ PAZ porque queremos renderlle unha homenaxe neste primeiro trimestre. Escollede de toda a súa produción o que vos apeteza.

Aquí tedes a listaxe de lecturas optativas; hai unha morea! Pero xa sabedes que podedes escoller o libro que vos apeteza, sempre falando comigo primeiro. Coido que hai libros para todos os gustos e para todos os niveis de lectura que poidades ter neste curso. Hai máis de cen propostas:

Alapont, Pasqual: O inferno de Marta. Xerais

Aleixandre, Marilar: Rúa Carbón .   Xerais

Alonso, Fran: Cartas de amor .  Xerais

Alonso, Fran. Poetízate. Antoloxía da poesía galega. Xerais

Álvarez, Blanca: Palabras de pan. Tambre

Agra, Agustín: Trampa de luz. Xerais

As mil e unha noites. Selección de Brian Alderson. Vicens Vives

Blanco, Concha: Berta non soubo voar. Pentalfa

Bennett, Alan : Unha lectora fóra do común. Rinoceronte

Boyne, John: O neno do pixama a raias.  Faktoría K

Boyne, John: Noah Barleywater escapa da casa . Faktoría K

Boyne, John: O que lle aconteceu a Barnaby Brockett . Faktoría K

Brenan, Herbie: O portal dos elfos. Xerais

Calo, Teresa: Marta ante o espello.  Xerais

CanfieldFisher, Dorothy: A aprendizaxe de Betsy.  Editorial Triqueta Verde

Carballude, Pepe: Marxinados. Galaxia

Carou Figueira, Natalia: O alento nas costas. Baía edicións

Carroll, Lewis: Alicia no país das marabillas. Xerais

Casalderrey, Fina: A Pomba e o Degolado. Xerais

Castelao: Un ollo de vidro. Galaxia

Castro, Francisco: O segredo de Marco Polo. Galaxia

Cela, Jaume: Silencio no corazón. Galaxia

Cimadevila, Fernando: O mundo secreto de Basilius Hoffman. Urco

Cisneros, Sandra: A casa de Mango Street. Sushi Books

Collazo López, Iria: Como unha áncora. Galaxia

Conan Doyle, Arthur: Un estudio en escarlata. Galaxia 

Costas, Ledicia: O corazón de Xúpiter.   Xerais         

Costas, Ledicia: Jules Verne e a vida secreta das mulleres planta.    Xerais 

Costas, Ledicia: Recinto gris.   Xerais         

Costas, Ledicia:   Xardín de inverno. Everest

Christie, Agatha: Asasinato no Orient Expres . Galaxia

Docampo, Xabier: O libro das viaxes imaxinarias. Xerais

Dunker, Kristina: Normal, diferente. Galaxia

Fariña, Anxo: Horizonte de sucesos. Xerais

Fraga, Antonio Manuel: Tártarus. Xerais

Fraga, Xesús: Reo. Galaxia

Frank, Ana: Diario. Faktoría K

Funke, Cornelia: Reckless. Xerais

Gallego, Elena: Dragal. Xerais

García Teijeiro e Reigosa: Lendo lendas, digo versos. Xerais

Greene, Graham: O terceiro home. Galaxia

Gripe, María: Os escaravellos voan á tardiña. SM

Haddon, Mark: O curioso incidente do can á media noite. Sushi Books

Hesse, Herman: Baixo as rodas . Galaxia

Hesse, Herman:  Siddartha.  Galaxia

Hinton, Susan: Rebeldes. Alfaguara-Obradoiro

Kipling, Rudyard: O libro da selva. Sushi Books

Kropp, Paul: Moonkid e Liberty. Galaxia

Lienas, Gemma:  O diario vermello de Carlota. Galaxia

Lienas, Gemma:  O diario violeta de Carlota. Galaxia

Lindgren, Astrid: Os nenos de Bullerbyn. Sushi Books

London, Jack: A chamada da selva. Xerais

López López, Xabier: Biff, Bang, Pow!.  Galaxia

Lourenzo González: Irmán do vento. Xerais

Maceiras, Andrea: Nubes de evolución. Xerais

Maceiras, Andrea: Europa Express. Xerais

Martin, Andreu e Ribera, Jaume: O diario vermello de Flanagan. Galaxia

Martín, Paco: De paraugas. Xerais

Miranda, Xosé: Ariadna. Xerais

Muñoz Puelles, Vicente: A expedición dos libros. Oxford

Negro, Carlos: Makinaria. Xerais

Negro, Carlos: Penúltimas tendencias. Xerais

Northomb, Amelie: Un nome de dicionario. Galaxia

Nöstlinger, Christine: Horario de clase, Galaxia

Nozière, JeanPaul: Cabeza de pelouro. Editorial Galaxia

Núñez Singala, X. M.:  Comedia bífida .  Galaxia

Núñez Singala, X. M.:  Instrucións para tomar café. Galaxia

O Leo: Hai kus. Xerais

Orwell, George: A revolta dos animais. Edicións Positivas

Poe, Edgar Allan: Os escaravellos de ouro. Os crimes da rúa Morgue. Vicens Vives

Pullman, Philip: A materia escura (Triloxía). Faktoría K

Reigosa, Antonio: Trece noites, trece lúas. Xerais

Reimóndez, María: Moda galega. Positivas

Rodríguez Cueto, Milio: A pedra da serpe. Rodeira-Edebé

Roger, Marie-Sabine: Tardes con Margueritte.  Galaxia

Rivas, Manuel: Madonna e outros contos de inverno.  Xerais

Roger, Marie-Sabine: Tardes con Margueritte. Galaxia

Ruá, Aurora: Debuxos no muro. Galaxia

Saint-Exupery, Antoine de: O principiño. Galaxia

Salinger, J. D. : O vixía no centeo. Xerais

Sánchez Gálvez, Manuel: Maelström, Maelström. Galaxia

Santiago, Eduardo: O Gran Reino. Xerais

Schlieper, Birgit e Stahl, Nina: Ás veces quero morrer coa risa. Galaxia

Sende, Sechu: Made in Galiza. Galaxia

Sierra i Fabra, Jordi: A modelo descalza. Galaxia

Sierra i Fabra, Jordi: Nun lugar chamado guerra, Galaxia.

Steinbec, John:  De ratos e homes. Galaxia

Stevenson, Robert Louis: A illa do tesouro. Xerais

Taylor, Kressman: Enderezo descoñecido. Xerais

Tomás, Xosé: Nómades. Galaxia

Toro, Suso de: Unha rosa é unha rosa. Xerais

Twain, Mark: As aventuras de Tom Sawyer. Xerais

Uhlman, Fred. Reencontro. Galaxia

Uhlman, Fred: Unha alma nobre. Galaxia

Vanderbeke, Birgit: Mexillóns para cear. Editorial Rinoceronte

Vázquez Freire, Miguel: Anxos en tempos de chuvia. Xerais

Verne, Jules: A illa misteriosa. Xerais

Viaxe ao futuro. Relatos de ciencia ficción. Edición de Agustín Sánchez Aguilar. Vicens Vives

Vila Sexto, Carlos:  O enigma de Caronte.  Galaxia

Vila Sexto, Carlos:  Gárgola.  Galaxia

Wilde, Óscar: A pantasma de Canterville e outros contos. Vicens Vives

Así, sen máis

Que teñen en común este obxecto:

e mais esta publicidade?:

Eu son... Eu non son

A primeira tarefa será realizar un poema emulando ao noso poeta preferido, Carlos Negro, quen inicia o seu poemario Masculino singular con este poema:

Carlos Negro, tal como el explica, non inventou a estrutura deste poema, senón que lla viu ao poeta Peter Handke no seu libro Vivir sin poesía publicado por Bartleby:

Agora tócavos a vós!!!

Tarefas para o verán

Seguramente xa coñecedes o caso dese enrollado profesor italiano porque o vistes ou ben no xornal ou ben no Facebook, que mandou 15 deberes moi especiais para o verán  para o seu alumnado. Pois ben, eu non vou ser menos, e vou "adaptar" os seus deberes á nosa realidade. Como estou de acordo con el, veredes que fago o que vós non podedes: un "remix".

.- Fala a nosa lingua, a lingua nai, esa que nos negaron tantas veces, esa na que non fuches educad@. Emprégaa, cando menos, unha vez ao día, goza usándoa e defendéndoa. Lembra esas "17 cousas que podes facer por ela". E se tes a sorte de ser galego-falante, non a abandones, non te acomplexes, non a cambies "por educación". Os que falan en castelán tamén poden ser educados... Vós tendes a chave para que a nosa lingua non desapareza. Sorprendede ás vosas familias reclamándoa.

.- Le. Este curso descubriches que hai moitos libros sorprendentes que che fixeron vibrar, emocionarte, chorar, amar, odiar... Pero le para gozar, non para subir nota nin por obrigatoriedade. Le para soñar, para voar, para fuxir, para non ser ti. Para aprender. Hai miles de libros e de lecturas interesantes e variadas. Procura os temas que che agradan. Coa lectura, escribe. Escribe sobre o que che apeteza, o que che preocupe, o que che pase pola cabeza. Que a escrita forme parte do teu ser, como descarga ou como reflexión, pero garda algún tempo semanal á súa práctica. Canto máis escriba, mellor o farás.

.- Goza a tope. Descarga toda a túa adrenalina. Carga as túas pilas. Ri moito, pasea cos teus amigos e amigas, vai a todas as festas que poidas. E baila. Baila sen complexos nin ataduras.

.- Goza coa compañía da túa familia. Esa que semella un "rollo" é o mellor que tes e terás na vida. Aprende a perdoar os seus defectos e sorrí coas súas virtudes. 

.- Se podes viaxar, faino. Non digas nunca un "non" a unha viaxe. É o que máis enriquece, co que máis aprendes.

.- Goza da túa soidade. De cando en vez, cómpre estar só, escoitarse a un mesmo, reflexionar. Ti es importante, e tes cousas que te dicir. Deixa tempo e espazo para a o ruído pero tamén para o silencio. Ambos son complementarios, non excluíntes.

.- Reflexiona sobre os teus fracasos e os teus éxitos. Non busques culpables, interioriza os teus actos e analiza o porqué duns e doutros. Tenta mellorarte a ti mesmo. Construíndote como persoa constrúes asemade unha mellor sociedade.

.- Non temas facer o ridículo. Fala abertamente do que pensas, do que sentes. Escoita para ser escoitado. Nesta sociedade de ritmo frenético falta empatía, solidariedade, paciencia. Dá exemplo. Un bo amigo é aquel que, sobre todo, sabe escoitar. Goza da amizade e practica deportes de grupo, axudan á convivencia.

.- Márcate unha meta e non a perdas de vista. Pero que esta non che oculte outras moitas que poden estar agardándote e coas que ti non contabas.

.- Namórate. Para logo desenamorarte. E volver a namorarte. Estás na idade dos mil namoros.

.- Respecta a natureza, o medio ambiente. Sé educado, limpo. Na praia, no monte, na rúa, non tires nada ao chan, recrimina a aqueles que si o fan. A natureza, máis ca nunca, necesita do noso coidado. Nas vosas mans está o seu futuro. E con el, o voso.

.- Non botes a lingua a pacer. Non critiques, non procures falsidades nin defectos. Todos temos algo bo e algo malo, lémbrao para non atacar a ninguén. Non fagas aos demais o que non queres que che fagan a ti. Non acoses a ninguén. Respecta a todo o mundo. E serás respectado.

.- Aínda que non suspenderas, non esquezas. O verán non implica que debas olvidar todo o aprendido. Ao contrario. Medra precisamente grazas ao que aprendes. Ti es parte do futuro do noso país, e ese futuro pasa pola Educación e pola Cultura. Sen elas, non existe tal futuro, só pasado. Axuda a construír.

.- Sé feliz!!!

17 cousas que podemos facer pola lingua

Sobre todo, sobre todo, non esquezades:

17 cousas que podemos facer pola lingua (o 17 de maio e o resto do ano)

• 01.aloumiñala como un arrolo que adurmiña o naipelo que repousa no teu colo
• 02.agasallala en todas as datas que levan dentro unha ilusión compartida e un desexo de felicidade
• 03.levala de paseo ao parque para que poida escorregar polo tobogán dos soños
• 04.usala cando namoramos como parvos para non aburrirnos como ostras
• 05.levala de compras para que vexa escaparates co cartel de rebaixas
• 06.metela na maleta que nos leva de viaxe por todos os mapas que soñamos 
• 07.convidala a esa festa de aniversario onde toda a familia canta contenta unha canción desafinada
• 08.poñela elegante para que desfile polas mellores pasarelas
• 09.compartila arredor dunha mesa redonda onde alguén fai un brinde polo futuro
• 19.facela voar con dragóns enormes antes de que Pedro Chosco entre no cuarto das crianzas a fechar todos os ollos
• 11.lanzala ao ceo cos papaventos e botala ao chan para que bailen as buxainas
• 12.escribila nas paredes con versos que poida entender todo o mundo
• 13.levala ao traballo a primeira hora para que se comporte puntual e eficiente 
• 14.introducila na lista da compra para que non nos esquezan o azucre e as patacas
• 15.pedila ao camareiro para que nos saiba mellor o café con leite
• 16.ensinárllela aos turistas como a mellor postal da nosa terra 

e, sobre todo,

• 17.sacala fóra cando nos piden que a gardemos

Manuel Curros Enríquez

Manuel Curros Enríquez from trafegandoronseis

Decreto Filgueira

Por se é do voso interese:

Negra Sombra

http://www.rtve.es/television/20150420/negra-sombra-poema-rosalia-castro/744761.shtml

LA mitad invisible

Negra sombra

Vía

O texto argumentativo

Lembrade que tedes aquí xa dúas entradas sobre o texto argumentativo.

O texto argumentativo é unha modalidade discursiva que ten como finalidade defender mediante argumentos unha idea ou tese. Á hora de redactar un texto argumentativo tedes que partir dunha estrutura previa:

1.- Tese ou tema
2.- Título, ou ben obxectivo -que informa- ou ben subxectivo -que opina-.
3.- Procura de información

4.- Argumentos. Pódense buscar argumentos de autoridade. Procurar utilizar argumentos a favor e argumentos en contra; engadir argumentos de experiencia persoal ("no meu caso", a min pasoume")

5.- Adxectivos valorativos ("importante, fundamental, magnífico, extraordinario, imprescindible, moi + adxectivo")

6.- Conectores textuais ("ademais, en primeiro lugar, por outra parte, pero, en resumo, en definitiva, como conclusión")

Un exemplo, en castelán.

Nesta páxina tamén atopei isto:

O texto argumentativo ten como finalidade convencer, ben demostrando unha opinión ou ben rebatíndoa. A función lingüística predominante é a apelativa, posto que o discurso está encamiñado en producir no receptor unha determinada reacción. A esta función debemos engadir a representativa, pois os argumentos utilizados para convencer usan variantes de textos expositivos, como definicións, ou descritivos, de maneira que as opinións subxectivas que defendemos se vexan reforzadas por razóns obxectivas.

Textos argumentativos son os ensaios científicos, filosóficos, os discursos políticos, os artigos de opinión xornalísticos, as intervencións en debates e mesas redondas e, en xeral, tamén as discusións espontáneas do noso día a día.

 

Argumentar non é simplemente contradicir, nin berrar nin descualificar ao adversario. Argumentar é opoñer mellores razóns que apoien as nosas opinións fronte ás dos adversarios e tamén artellar unha estratexia intelixente na súa exposición. Sempre é mellor considerar que, por moito que non esteamos de acordo, os demais tamén terán as súas boas razóns e, por suposto, o respecto por eles e as súas opinións debe quedar claro, tanto nos nosos argumentos como na súa posta en escena no texto oral ou no escrito. 

  

ESTRUTURA DO TEXTO ARGUMENTATIVO

Todo texto argumentativo parte dunha idea básica, a tese, que terá que ser explicada e reforzada ao longo do seu desenvolvemento.

A estrutura habitual consta de introdución, desenvolvemento e conclusión. Sempre é aconsellable facer antes un esquema no que se enuncie claramente a tese, se apunten todas as ideas que se nos ocurran que poidan reforzala e se lles dea unha orde. Cada unha destas ideas poderá converterse logo nun parágrafo:

• Introdución: Comézase por presentar o tema que se vai tratar dunha maneira xeral para ir achegándose a un aspecto concreto sobre o que ao final deste apartado se enunciará claramente unha opinión: a tese.
• Desenvolvemento: Trátase de ampliar a idea central, a tese, e reforzala mediante a ilustración por medio de exemplos, citas, descricións, datos, opinións de autoridade ... Cada unha das ideas apuntadas no esquema convertirase nun parágrafo que debe relacionarse coherentemente co anterior e co seguinte. Nestes parágrafos, a idea principal da que se parte pode ampliarse con varias ideas relacionadas (ideas secundarias) que a completen e ilustrala con exemplos.
• Conclusión: pódese facer unha recapitulación dos principais argumentos e reafirmarse na tese inicial ou tamén pódese rematar con algunha frase que resuma a idea defendida ou que apunte unha nova idea que se poida inferir do que se leva dito e mesmo unha invitación a sumarse á opinión defendida e actuar en consecuencia. 

Segundo a orde lóxica que se escolla podemos falar de dous tipos de argumentacións:

·      Argumentación dedutiva ou estrutura analítica: que parte da tese, segue co corpo de argumentos e remata na conclusión.

·      Argumentación indutiva ou estrutura sintética: que parte dos argumentos para chegar ao final, a modo de conclusión, á tese.

Un bo esquema sobre o que practicar sería un texto argumentativo formado polo menos por cinco parágrafos: 1º a introdución, 2º argumento a favor, 3º argumento a favor, 4º argumento en contra e refutación, 5º conclusión.

PROCEDEMENTOS DISCURSIVOS E LINGÜÍSTICOS

• A definición: explica o significado de conceptos clave no texto.
• A comparación: serve para poñer en relación ideas, poñer exemplos con casos semellantes ou diferentes que axudan a comprender conceptos.
• A exemplificación: achega exemplos concretos que facilitan a comprensión de razoamentos abstractos.
• A enumeración de exemplos ou argumentos proporciona unha base sólida para apoiar a tese.
• A interrogación: pode usarse para poñer en dúbida un argumento contrario e reforzar así o propio ou mesmo para enunciar as reticencias que un razoamento propio poida suscitar para, a continuación, rebatelos.

Un texto argumentativo, como calquera outro tipo de texto, debe presentar adecuación entre a expresión lingüística (tanto no plano morfosintáctico como no plano léxico) ao receptor, ao contexto e á intención coa que é feito.

É moi importante que o texto argumentativo dea unha impresión de coherencia lóxica, para o cal é imprescindible que as partes (parágrafos) estean ben ordenadas e sigan unha progresión que conduza á conclusión. Para isto é imprescindible elixir ben os conectores ou marcadores discursivos: conxuncións, locucións conxuntivas, adverbios que organizan o texto.

No entramado textual existen mecanismos de cohesión léxica (repetición de palabras clave ou conceptos sinónimos sobre o tema), cohesión gramatical (uso de pronomes e adverbios que fagan referencia a algo que xa se dixo ou que se vai dicir) que vaian establecendo vínculos entre si a medida que o texto avanza, de maneira que se aprecie que son partes dun todo.